Testimet e para të kompanisë Shell Upstream Albania B.V. (Shell) në pusin vlerësues Shpirag-4 në afërsi të Beratit, konfirmojnë potencialin e prurjeve të një zbulimi të rëndësishëm nafte të lehtë në vendin tonë. Lajmi është bër i ditur në një njoftim për shtyp, nga kompania Shell , “Zbulimi i Shpiragut për Shell është i pari në tokë në një brez tektonik të rrudhosur dhe të mbihypur në Shqipëri (struktura gjeologjike ku gjendet rezervuari i hidrokarbureve)”, tha Marc Gerrits, Zëvendës Presidenti Ekzekutiv i Shell për Eksplorimin. “Ne jemi të gjithë të kënaqur që këto testime të para kanë konfirmuar potencialin e këtij zbulimi dhe presim të rrisim biznesin tonë në Shqipëri.” citon njoftimi i kompanisë Shell.
Ndërkoh në lidhje me lajmin ka reaguar edhe Kryeministri Rama i cili e vlerëson si lajm fantastik për rritjen e nesërme ekonomike të vendit.
Postimi i plotë:
Lajm fantastik për rritjen e nesërme ekonomike të vendit, konfirmimi final i testimeve pozitive të kompanisë SHELL mbi nxjerrjen në treg të sasisë së naftës dhe të gazit të zbuluar në Shpirag👍 Kompania që hyri në Shqipëri në 2014 vijon investimet për zbulime burimesh të tjera 🙏