“Nga sot fillojmë punën për komisariatin nr 6 të Kombinatit”, – është fjala e Saimir Tahirit (si ministër i Brendshëm) gjatë ceremonisë së nisjes të punimeve për rindërtimin e Komisariatit nr 6 në Kombinat më 13 shkurt 2017, punime të cilat kanë nënkontraktor biznesmenin e ndaluar nga policia, Oresto Sota të cilit i janë gjetur 800 mijë euro në makinë dhe dy patenta ne emrin e Saimir Tahirit.
“Sot është përplasja mes Shqipërisë së llafeve dhe Shqipërisë së Punës. Shqipëria e llafeve vazhdon punën e vet …ndërsa Shqipëria e punës është ajo që po bëjmë ditë për ditë …”, – thotë ndër të tjera Tahiri.
Investitor i këtyre punimeve rezulton Policia e Shtetit me nënsipërmarrës “Eco Construction” (që drejtohet nga Orest Sota), afati i punimeve është 15 muaj ndërsa i gjithë rikonstruksioni ka kushtuar 219.483.552 lekë me TVSH.
