Partia Demokratike ka shpërndarë mijëra me rastin e 11 Dhjetorit ku kremtohet 27 vjetori i themelimit të partisë më të madhe opozitare.
Teksa na ndajnë vetëm tre ditë nga festa, mësohet se ftesat që mbajnë firmën e kryeopozitarit Basha janë adresuar edhe te Partia Socialiste edhe te Lëvizja Socialiste për Integrim.
“Kryetari i Partisë Demokratike, Zoti Lulzim Basha ka nderin t’ju ftojë në pritjen e organizuar me rastin e 27 vjetorit të themelimit të Partisë Demokratike të Shqipërisë.
E hënë, 11 Dhjetor 2017
Ora 18:00 Në Pallatin e Kongreseve, Tiranë” shkruhet në ftesë.
Sjellim në vëmendje qershorin e këtij viti, ku Halim Kosova mori pjesë në festën e 26 vjetorit të themelimit të Partisë Socialiste.
Ndërkohë ende nuk ka një emër konkret nga selia blu si i përzgjedhur për të qenë pjesë e festës së demokratëve.
