Një ngjarje e rende tronditi Durrësin dhe të gjithe opinionin publik dy ditë me parë kur burri vrau gruan duke e masakruar 6 herë me thikë në sy të djalit të mitur, e më pas u gjend i mbytur edhe vetë.
Ngjarje të tilla monstrueze kanë ndodhur në shifra të larta muajt e fundit, teksa vetëm 1 muaj më pare ne qershor, një tjetër 44 vjeçare u vra nga bashkëshorti në Vlorë.
I trishtë është fakti se këto krime, sipas dëshmive, vijnë si pasojë e xhelozisë ndonëse asnjeherë asnje gjë e tillë nuk ka dalë e vertetuar edhe pse krimi tanimë është bërë.
AlpeNews.al sjell si më poshtë gratë që humbën jetën si pasojë e xhelozisë.
Hazbije Kuka
Xhelozia dyshohet të jetë shkak i krimit në familje në Spitallë të Durrësit, ku burri vrau me thikë gruan e tij, dhe pasi u largua me makinë nga banesa u vetëmbyt në det, në plazhin “Rinia”. Burri, Adriatik Kuka 37-vjeç ka pasur dyshime se gruaja e tij komunikon me telefon me një mashkull. Ai gjithashtu në letren që la para se te mbytej shkruante se gruaja e tij kishte filluar të vishej mirë e me klas.
Laureta Sulo
Viktima është Laureta Sulo 44-vjeçe, ndërsa autori është Lavdosh Sulo 56-vjeç. Ngjarja ka ndodhur brenda banesës, ku çifti kishte edhe një servis dhe ku punonin të dy.
Shkak i konfliktit mësohet se ka qenë xhelozia në çift prej kohësh, ndërsa në 2012 autori kishte qenë proceduar për dhunë në familje.
Ervlima Seferaj
Më 12 shkurt, Alket Arapaj, një gardist me armën e shërbimit vrau gruan e tij, Ervilma Seferaj. Ngjarja e rëndë ndodhi në sy të fëmijëve. Shkak për këtë ngjarje është bërë kërkesa e gruas për të nisur punë.
Antoneta Hoxha
Më 30 prill Antoneta Hoxha, 53 vjeç, nënë e katër fëmijëve u gjet e masakruar në krevatin martesor, në Valagat të Memaliajt.
Në dëshminë e tij, Skënder Hoxha u shpreh se e vrau pasi ishte e sigurt se 53 vjeçarja e tradhëtonte. Sapo viktma ka kthyer kurrizin, burri e ka goditur me levën që perdoret për kazanin e rakisë.
Përgatiti: AlpeNews.al
