Një nënë e re në moshë nga Kalifornia ishte në javën e shtatëmbëdhjetë të shtatzënësisë kur u diagnostifikua me tumor në tru. Sheila Downing, ndiente dhimbje koke gjatë gjithë kohës. Më vonë ajo kishte pasur vështirësi edhe në frymëmarrje, madje kishte humbur edhe aftësinë për t’u orientuar e përqëndruar.
Pasi mjekët e diagnostifikuan me tumor në tru i kanë dhënë asaj dy mundësi.
Ajo mund ta shtynte trajtimin me radioterapi, vendim i cili do ta mbronte foshnjën dhe do ta rrezikonte jetën e saj ose mund t’i nënshtrohej menjëherë trajtimit dhe ta rrezikonte shëndetin e foshnjës.
Sheila vendosi të mos i nënshtrohet trajtimit, pasi donte që të mbronte foshnjën e saj. Mjekët u detyruan që përmes operacionit t’i largonin një pjesë të tumorit dhe të nxisnin një lindje të parakohshme. Kjo në mënyrë që nëna t’i nënshtrohej sa më shpejt trajtimit me radioterapi.
Nëna e lindi djalin e saj por ai lindi me arterie të ngushtuara. Vogëlushi kishte nevojë për operacion në zemër, ndaj dhe nëna e tij vendosi që të mos e fillonte mjekimin me radioterapi pasi donte që ta ushqente me gji të voglin e saj.
Më në fund, ajo iu nënshtrua seancave me radioterapi dhe kimioterapi në fillim të këtij viti.
Fjalët e nënëns:
Shëndeti im dhe i djalit po përmirësohet. Po mundohem ta shijoj secilën ditë. Nëse brengoseni për gjithçka, nuk keni mundësi të kënaqeni.”
