31-vjeçari Griseldo Kusi, i cili qëlloi me plumb në kokë teknikun e kondicionerit Indrit Çela në muajin gusht, është vetëdorëzuar në polici.
Griseldo dhe vëllai i tij, Albano, thuhet se vranë teknikun e kondicionerit dhe u përpoqën që t’ja hidhnin fajin kolegut të Indritit.
Megjithëse Griseldo u vetëdorëzua duke pranuar fajin, vëllai i tij vazhdon të kërkohet ende nga policia.
Ndaj të riut është dhënë masa “arrest me burg”, ndërsa ai vetë ka treguar se vrasja kishte ndodhur për shkak të pakujdesisë.
“Unë nuk doja ta vrisja, por doja vetëm ta trembja se nuk kishte bërë punën. Arma është shkrepur nga pakujdesia, jo me dëshirën time.‘‘- është shprehur Griseldo sipas “Joq”.
