Pamjet janë filmuar në rrugën “Romagnosi”, në komunën italiane Seregno, ku një grua shqiptare u qëllua me thikë për vdekje brenda një makine. Krimi ndodhi këtë pasdite rreth orës 16:00.
Sipas medieve italiane, autori është bashkëshorti, një 35-vjeçar maroken, i cili pas krimit u paraqit te karabinierët e Seregno-s duke pohuar se sapo kishte therur gruan e tij.
Pasi u qëllua me thikë, forca të ndërhyrjes së shpejtë mjekësore shkuan në vendngjarje për ti ardhur në ndihmë gruas shqiptare, identiteti i së cilës ende nuk bëhet i ditur nga raportimet e deritanishme të mediave italiane.
Ajo u dërgua në kushte të rënda shëndetësore në spitalin San Gerardo në Monza, ku vdiq pak pas mbërritjes. Në momentin e krimit raportohet se në makinë ishte edhe djali i mitur, i cili nuk është lënduar fizikisht.
Raportohet se dy bashkëshortët, të cilët kanë një fëmijë 5-vjeçar, prej rreth dy muajsh nuk jetonin më bashkë.
