Identifikohet autori i dyshuar i vrasjes së dy vëllezërve në Gramëz të Krujës. Burime nga policia bëjnë me dije se autori i dyshuar është shtetasi Roland Pula, 32 vjeç nga Kruja.
Policia ka gjetur po ashtu edhe makinën e autorit të dyshuar. Automjeti u gjet te pompat e ujit në Gramëz. Mësohet se forcat e Policisë së Krujës, DVP Durrës, FNSH e Renea janë në ndjekje të autorit.
Ndërkaq, blutë sqarojnë se dy dronë që filmojnë dhe në erresirë po kontrollojnë zonën. Nga të dhënat e deritanishme, dyshohet se ngjarja e rëndë ka ndodhur për një konflikt të vjetër.
Ngjarja ndodhi mbrëmjen e sotme rreth orës 22:25, në fshatin Gramëz, ku nga të shtënat me armë mbetën të plagosur Gazmir dhe Xhoi Bardhi,, përkatësisht 34 dhe 24 vjeç, të cilët u dërguan në spital por rrugës humbën jetën.
