Ministri i Brendshëm, Sandër Lleshaj deklaroi sot se do të bëhet një qasje e integruar që strukturat ende të mbijetuara të krimit në qarkun e Shkodrës.
Gjate konferences per media me homologun e tij te Çekisë, njëkohësisht Zv.kryeministër, z. Jan Hamacek, Lleshaj garantoi se grupet kriminale do te marrin një goditje nga të gjitha krahët.
“Ne jemi të interesuar dhe të shqetësuar edhe për perceptimin publik që nuk është në nivelin maksimal. Ne do ta adresojmë perceptimin publik. Do të marrim masa të forta për të thelluar luftën ndaj atyre grupeve kriminale që nuk janë vënë para drejtësisë për arsye të punës nevojitet për dokumentimin e plotë të veprimtarisë kriminale”- tha ai.
Sipas ministrit, “Në Shkodër janë marrë masa të forta. Ne kemi qasje të integruara. Janë shumë agjenci që po punojnë në Shkodër”.
“Do të bëhet një qasje e integruar që strukturat ende të mbijetuara të krimit në qarkun e Shkodrës të marrin një goditje nga të gjitha krahët, në mënyrë që ky fenomen dhe kjo pasiguri e krijuar për shkak të veprimtarisë së këtyre grupeve të marrë fund njëherë e mirë në Shkodër, Elbasan e gjetiu”-deklaroi Lleshaj.
