Dy persona janë ekzekutuar me armë zjarri në qytetin bregdetar të Durrësit.Viktimat janë vëllezër, të cilët janë gjetur pajetë brenda në makinën tip ‘Golf’ me targa AA716ZZ.
Ngjarja ka ndodhur pasditen e sotme rreth orës 17:00 te tregu i makinave në Shenavlash, te zona e Nishtullës.
Forca të shumta policie kanë rrethuar zonën, ndërsa janë ngritur edhe pika të shumta postblloku për të shkuar në rënë në gjurmët e autorëve.
Mister mbetet motivi nëse lidhet me ndonjë sherr të castit apo hakmarrje. Dy vëllezërit janë punonjës te tregu i makinave. Policia shoqëruar mbi 30 persona deri tani.
Një pjesë e bizneseve kanë qenë të mbyllura, por pritet që të kontrollohen kamerat e sigurisë nëse kanë fiksuar autorët.
Kanë mbërritur inspetorët e krimeve dhe familjarë që bëjnë identifikimin e viktimave brenda në automjet. Pas identifikimit do të bëhet dhe largimi trupave të tyre drejt morgut.
Ende nuk dihen shkaqet dhe emrat e viktimave, ndërsa kjo është një tjetër ngjarje e rëndë, pak minuta pas asaj të Lezhës ku u vranë dy persona të tjerë.
