Një i dënuar i burgut të Korçës me banim në Tiranë, ka humbur jetën dje gjatë rrugës për në spital. Edmond Fezollari 53 vjeç, lindur në Pogradec dhe banues në Tiranë, humbi jetën dje në afërsi të Librazhdit. Duket se i dënuari ka qenë duke u transportuar nga policia. Por befas ka vdekur.
Sipas ekspertizës, vdekja ka qenë natyrale, por pa përcaktuar deri më tani shkakun e vdekjes.
Po kush ishte Edmond Fezollari?
Edmond Fezollari ishte dënuar për vrasje e mbetur në tentativë dhe armëmbajtje pa leje. Më 7 gusht të vitit 2013 në lagjen nr 1 në Pogradec ai qëlloi me armë Jetmir Muçollarin nga Buçimasi. Shkaku ishte një parakalim i gabuar.
Pas konfliktit Edmondi ka qëlluar në drejtim të tij por e ka plagosur në dorë. Ai është larguar me mendimin se e ka vrarë, por u kap nga policia.
Prej disa vitesh ai vuante dënimin në burgun e Korçës. Dje ndërroi jetë në afërsi të Librazhdit.
