Tensionet u ulën sot në Bularat të Gjirokastrës një ditë pas vrasjes së një të riu gjatë një shkëmbimi zjarri me policinë. Kostandin Kacifas ishte pjesëtar i pakicës greke dhe qëlloi me armë drejt shërbimeve policore.
Reagimet diplomatike shqiptare dhe greke lidhur me ngjarjen janë shoqëruar dhe me tone nacionaliste në rrjetet sociale në të dy vendet.
Ndërkohë mediat greke raportojnë se policia helene është e bindur se vrasja nuk ka ndodhur për çështjen e flamurit. Një burim në policinë greke tha për portalin Portagon se 35-vjeçari i vrarë ka marrë rregullisht pjesë në festimet e 28 tetorit, pa probleme.
