Një nga mbremjet që ka tronditur kryeqytetin është padyshim ajo e bllokut, më 4 tetor ku në zonën më të populluar në Tiranë, një person mbeti i vrarë dhe të tjerë u plagosën.
Veç të tjerave, ajo që bëri dhe “bujë” ishtë fakti se molla e sherrit konsiderohet të ketë qënë këngëtarja e mirënjohur Elvana Gjata.
Kjo e fundit, pasi i dashuri i saj, biznesmeni Ervin Mata kishte hyrë në konflikt me një nga emrat më problematic të policisë, atë të Ervis Martinaj.
Elvana Gjata dhe Ervin Mata
Mendohet se një ngacmim i këngëtares është bërë shkak që dy grupet të përplaseshin duke derdhur kështu gjak.
Ndonëse ditë pas dite, vijojnë të dalin dëshmi të reja dhe personazhe të rinj ngjarja vijon të mbetet e pazbardhur plotësisht.
Sot, një tjetër kthesë duket se u bë në ngjarje. Eldi Dizdari, emri i biznesmenit pritet të shkaktojë jo pak “zhurmë”. Ky i fundit mësohet se është edhe kushëriri i Arbër Çekajt, të dyshuarit kryesor për 613 kg kokainë.
Eldi Dizdari dhe Suada Sherifi
Veç faktit se dyshimet e para janë se ai dhe Ervin Mata (i dashuri i Elvana Gjatës), janë zënë për një sasi të konsiderueshme kokaine, ai është gjithashtu edhe bashkëshorti i ish missit shqiptar, Suada Sherifit.
Kujtojmë se Elvana Gjata është pjesë e rëndësishmë e dëshmive, por vetëm dje këngëtares i mbaroi afati i kërkimit policor duke e vështirësuar kështu situatën.
Dyshimet:
Eldi Dizdari njihet dhe me emrin Denis Matoshi dhe njihet si kushëri i afërt me Arbër Çekaj, pronarin e kompanisë së bananeve të arrestuar në Gjermani për trafikun e 613 kg kokainë që u sekuestrua para disa muajsh në Durrës. Sipas burimeve të prokurorisë Mata dhe Dizdari janë konfliktuar me njëri-tjetrin në rrugë, pikërisht përpara lokalit “Metropol”. Dyshimet janë se Mata dhe Dizdari janë konfliktuar për çështjen e një borxhi financiar, borxh i cili nuk ishte shlyer nga Ervin Mata.
Në këtë konflikt është përpjekur të hyjë dhe komandoja Merviol Bilo, por nga pamjet filmike ka rezultuar se Bilo largohet nga Mata dhe më pas Eldi Dizdari së bashku me personat e tjerë që ishin me të janë larguar. Makina e tyre është ndjekur në këmbë nga Mata dhe grupi i tij deri tek zona e “Sky Tawer”, por nuk kanë mundur më ta shikojnë dhe janë rikthyer sërisht pas, duke u futur në lokal “Monopol”. Ndërkohë Dizdari nuk ka qënë fizikisht në lokalin “Monopol”, aty ku ndodhi dhe përleshja fizike dhe me armë, pasi është larguar në drejtim të pacaktuar ende. Pamjet filmike të disa bizneseve sipas prokurorisë kanë zbuluar se Dizdari ka qënë personi i parë ai që është konfliktuar me Ervin Mata dhe më pas është larguar.
Përgatiti: AlpeNews.al
