Ditën e sotme është zhvilluar seanca e parë gjyqësore ndaj njërit prej dy të plagosurve të përplasjes me armë në zonën e Bllokut në Tiranë.
Mbi Eljon Haton rëndon akuza e “mosbindjes ndaj urdhrit të punonjësit të rendit publik”, ndërsa vetë i pandehuri për shkak të gjendjes së rëndë shëndetësore nuk është paraqitur në seancë.
Biznesmeni Ervis Martinaj dhe shtetasi Eljon Hato mbetën të plagosur në përplasjen me armë në një lokal luksoz në zonën e Bllokut rreth dy javë më parë, ndërsa ka mbetur i vdekur dhe shtetasi Fabiol Gaxha.
Në shkurt të 2018 Hato nuk i është bindur urdhrit të policisë për të ndaluar, ndërkohë që pas ndjekjes është ndaluar dhe është konstatuar pa leje drejtimi. Pas verifikimit i plagosuri ka patur patentë por jo me vete kur ka qenë në drejtimin e mjetit duke u akuzuar kështu vetëm për mosbindje ndaj policisë.
Pas mbledhjes së trupës gjykuese, seanca nuk është zhvilluar pasi Eljon Hato e kishte të pamundur fizikisht të paraqitej për shkak të gjendjes së tij të rëndë, ndërsa për gjykimin e shkurtuar ai duhet të ishte vetë i pranishëm.
