Detaje të reja janë mësuar lidhur me vrasjen e noteres 69-vjeçare Mariza Terveti Papadatou në Zakynthos të Greqisë, nga tre shtetas shqiptarë.
Autorët janë Bedri Saraseli, 46 vjeç, Veis Saraseli, 21 vjeç (djali i Bedriut) dhe Spiro Harshiu, 50 vjeç, të tre me origjinë nga Kuçova. Ata kanë dalë para gjykatës ditën e sotme, duke dhënë dëshmi të reja mbi ngjarjen e rëndë.
50-vjeçari Harshiu ka treguar se planin për grabitjen e gruas e kishte bërë Bedri Saraseli dhe të 3 së bashku e kishin vëzhguar 69-vjeçaren për të mësuar rutinën e saj. Ai pretendoi po ashtu se u kishte shprehur shqetësimin Bedriut dhe të birit për këtë plan. Sipas Harshiut, 46-vjeçari i ishte përgjigjur duke i thënë se gjithçka do të shkonte mirë.
Gjithçka do të shkojë mirë, nuk do t’i bëjmë keq askujt”- i kishte thënë ai.
Ditën e ngjarjes, më 19 shkurt, Harshiu tha se kishte parë Saraselin të merrte një thikë nga kuzhina e vilës ku punonte, duke këmbëngulur se nuk do të ndodhte asgjë. Pas kësaj, ata i bënë pritë gruas dhe gjatë tentativës për ta grabitur, 21-vjeçari e qëlloi me thikë në këmbë. Fatkeqsisht, kjo goditje rezultoi fatale pasi thika kishte prerë arterien dhe i shkaktoi gruas hemoragji.
