Vrasja barbare e Marvi Mihalit, vetëm 22-vjeç, në datë 31 korrik 2017 tronditi mbarë opinionin publik shqiptar.
POR përtej skenës së tmerrshme të krimit, po aq i tmerrshëm, u cilësua reagimi i rojes private të kazinosë, Besim Sokolaj. Ai shikonte gjithçka herë me duar në xhepa, herë me duart kryq.
Ndërsa autorët i ngulnin thikat Marvit, roja shikonte gjakftohtë dhe s’lëvizte as gishtin, edhe në momentin kur autorët u larguan.
Por sot roja, Besim Sokolaj ka dhënë dëshminë e tij në seancën gjyqësore të rradhës dhe është shprehur se nuk e kishte parë momentin e vrasjes së Marvit, por vetëm një përleshje mes disa të rinjve.
Ai tha se nuk kishte ndërhyrë pasi nuk donte të rrezikonte vendin e punës. Por menjëherë reaguan prindërit e Marvi Mihalit të cilët thanë në gjykatë se djali i tyre mund të kishte shpëtuar nëse roja do kishte reaguar me shpejtësi.
