Policia bullgare arrestoi një P, i dyshuar për vrasjen e gazetares Viktoria Marinova. Sipas mediave në Bullgari, personi i dyshuar ishte një i pastrehë që bënte jetë prej endacaku.
Gazetarja 30-vjeçare u gjet të dielën e pajetë në një park, pranë lumit Danub. Policia njoftoi se ajo ishte përdhunuar, ishte goditur disa herë në kokë dhe më pas ishte mbytur për vdekje.
Ende asnjë pistë hetimi nuk çon në vrasjen për shkak të detyrës së Marinovës, por mediat vendase e ato ndërkombëtare ngrenë dyshime se ajo është eliminuar, pasi po hetonte një aferë korruptive që lidhej me fondet qeveritare.
Vrasja e Viktoria Marinovës u dënua fort nga organizatat ndërkombëtare. Gazetarja bullgare është e treta që ekzekutohet këtë vit në Europë, pas gazetares malteze Dafne Karuana Galicia dhe gazetari sllovak Jan Kusiak, i vrarë në shtëpinë e tij. Edhe këta dyshohet se janë vrarë për shkak të detyrës.
Një tjetër rast është ai i gazetarit arab të WP, i zhdukur brenda konsullatës saudite në Stamboll, i cili gjithashtu dyshohet se është vrarë.
