Ngjarja e ndodhur në 2012 dhe e zbardhur nga policia pak ditë më parë, ka tronditur mbarë opinionin publik në vendin tonë.
Asokohe 23 vjeçe, Eglantina Buci u vra nga vëllai i saj Shkëlzeni, në bashkëpunim me babain Faik Buci dhe një shokun e Shëlzenit, M.T., i cilësuar tashmë si i penduari i drejtësisë.
Eglantina u vra dhe u gropos në Malin me Gropa, dhe u deshën 8 vite që të zbardhej e gjithë ngjarja. Eshtrat e viktimës u konstatuan nga kafshët, më pas nga një gjahtar i zonës i cili lajmëroi policinë.
Përsa i përket eshtrave, është bërë publike akt-ekspertiza mjeko-ligjore e disa eshtrave të gjetura në zonën e Malit me Gropa më datë 14 shtator 2012.
Në akt-ekspertizë thuhet se janë gjetur një kafkë me një pjesë të nofullës së poshtme, kocka të njërës shpatull si dhe tre kocka të tjera të gjata tubulare me pak mbetje lëndësh të buta.
Në 21 mars 2018, është bërë rikqyrja e eshtrave të gjetura në vendngjarje, kryesisht kqyrjes së hollësishme të pjesës së nofullës së poshtme të djathtë. Nga kjo kqyrje është konstatuar se në anën e djathtë në skajin e lirë të saj ka një dëmtim kockor me diametër 1 cm, ku ka një krisje të lehtë…
