Policia e Elbasanit ka gjetur të djegur një makinë tip ‘Benz’ në dalje të qytetit pak momente pas vrasjes së avokatit të njohur Ravik Gurra në një lokal në qendër të qytetit.
Dyshohet se mjeti i djegur është përdorur nga autorët për vrasjen e avokatit të Capjave dhe Shullazit. Mjeti tip ‘Benz’ rezulton i vjedhur në Fushë Krujë dhe u gjet i djegur pranë rreth rrotullimit të Bradasheshit.
Avokati i njohur është qëlluar me pistoletë me silenciator në kokë duke i shkaktuar vdekjen. Nuk dihen shkaqet e vrasjes së avokatit, por nuk përjashtohet pista për shkak të detyrës.
Policia ka ngritur postblloqe dhe po punon për kapjen e aturoëe dhe zbardhjen e plotë të ngjarjes.
