Paraditja do të jetë në mbizotërimin e kthjellimeve dhe kalimeve të pakta të vranësirave në zonat malore. Sipas MeteoAlb, në orët e pasdite parashikohet që vranësirat të shtohen në vendin tonë, duke krijuar mundësi për shira.
Në zonat malore do të ketë dhe rrebeshe afatshkurtra. Ndërsa në pjesën tjetër të territorit do të ketë momente me pika shiu.
Temperaturat e ajrit do të vijojnë të ulen në mëngjes dhe në mesditë, duke luhatur vlerat ditore nga 12 gradë Celsius deri në 31 gradë Celsius.
Era do të fryjë mesatarisht me shpejtësi mbi 40 km/h nga drejtimi verior-veriperëndimor, duke krijuar dallgëzim deri në 3 ballë.
