Mbrëmjen e sotme është votuar Rezoluta e OKB-së për të kundërshtuar deklaratën e Liderit të Shtëpisë së Bardhë Donald Trump se Jeruzalemi do të jetë kryeqyteti i ri i shtetit të Izraelit. Në këtë votim Shqipëria ka votuar pro rezolutës së OKB-së.
Vjen edhe reagimi i Ministrisë së Jashtëme të vendit tonë ku e ka pëshëndetur këtë zgjedhje:
“Vota jonë sot në Asamblenë e Përgjithshme të OKB-së reflekton pozicionin tonë të pandryshuar për këtë cështje. Shqiperia i është përmbajtur konsensusit ndërkombëtar mbi Jeruzalemin, bazuar në një numër te konsiderueshem dokumentesh të OKB-së, përfshirë një numër rezolutash të Këshillit të Sigurimit, dhe i është bashkuar pozicionit të përbashkët të shumicës dërrmuese të vendeve anëtare të BE-së, duke i qëndruar koherente qëndrimit e saj te linjëzuar me Bashkimin Evropian”, deklaron Ministria e Jashtëme
