Pas votës pro rezolutës së BE që dënonte vendimin e SHBA-ve për të njohur Jerusalemin si kryeqytet të Izraelit, veprimi i qeverisë shqiptare solli reagime të shumta. Mes atyre që dënuan këtë votë ishte edhe presidenti i republikës, Ilir Meta, i cili përmes një letre që i dërgoi homologut të SHBA-ve Donald Trump theksoi se ky nuk ishte vendimi i popullit shqiptar.
Po ashtu Meta në atë kohë tha se nuk ishte informuar për këtë qëndrim të qeverisë shqiptare. Por një version krejt ndryshe sjell ministri i Jashtëm Ditmir Bushati. Ky i fundit i ftuar në emisionin ‘Studio e Hapur’ në “News24” tha se presidenti Meta ishte njohur për ftesën e Shqipërisë në OKB si dhe për qëndrimin e saj.
“Presidenti ishte i informuar. Ne kemi marrë ftesë për presidentin e Republikës dhe ministrin e jashtëm. Në momentin që ka ardhur festa kemi parashtruar argumentet dhe sugjerimet. Jemi sugjeruar edhe mbajtën e takimit.
Vasili: Cili është shpjegimi juaj për letrën që Meta i dërgoi Trump?
Bushati: Kam bërë një koment për këtë çështje, nuk dëshiroj ti rikthehem kësaj çështje. Pro jam takuar me presidentin e Republikës më pas dhe jam në dispozicion jo të presidentit por të çdo institucioni. Jemi takuar më pas dhe kemi diskutuar për këtë çështje. Sa herë që në Ministëri të Jashtme kërkohet një informacion, aq më tepër nga Presidenca, jemi të gatshëm.
