Ishte në kërkim si anëtar i grupit të “Avdylajve”, arrestohet 36-vjeçari nga Sukthi. Marjo Zeqiri, i njohur ndryshe me nofkën “Edinjo”, është arrestuar nga Policia e Durrësit pas 7 muajsh në kërkim nga Prokuroria për Krimet e Rënda në Tiranë.
Mësohet se 36-vjeçari është prangosur në Durrës në kuadër të operacionit “VolVo 4”, që ka nisur në tetor të vitit të kaluar, por nuk bëhet i ditur roli i tij në grup. Bashkë me Zeqirin, shkon në 45 numri i të arrestuarve, pjesë të operacionit “Vol-Vo 4”.
Dosja hetimore te Krimet e Rënda në Tiranë përfshin akuza për trafik droge të drejtuar nga grupi i Shijakut, korrupsionin e zyrtarëve që solli arrestimin e ish-drejtorit të Burgjeve Arben Çuko, por edhe abuzimet me pronat që prangosën ish-deputetin tjetër socialist, Arben Ndoka.
Dy ish-deputetët socialistë u liruan më pas dhe aktualisht janë në arrest shtëpie, ndërsa persona të tjerë ndodhen në kërkim.
Burime nga Policia dhe Prokuroria për Krime të Rënda thonë se ka edhe të tjerë persona që po hetohen në kuadër të operacionit “Vol-Vo 4” dhe shumë shpejt do të arrestohen me akuzën e “Prodhimi dhe trafikimi i lëndëve narkotike”.
Gjatë përgjimeve për këtë dosje u publikua dhe emri i kryetarit të Bashkisë Durrës, Vangjush Dako, i cili komunikonte në telefon me një prej kokave të grupit “Avdylaj” për votat gjatë fushatës elektorale.
Ja pamjet për Mega Operacionin "VOL – VO 4", ku u goditën 4 grupe kriminale
Gepostet von Policia e Shtetit am Montag, 22. Oktober 2018