Nuk mund të bashkohej me familjen e tij, pasi autoritetet e shtetit fqinj i kishin ndaluar hyrjen në Itali. Në këto kushte 32-vjeçari Ksandros Imeraj u nis tre dite më parë nga Vlora me një mjet lundrues në mënyrë të paligjshme.
Prej asaj ditë, as bashkëshortja e tij në Itali dhe as të afërmit në Vlorë nuk kane asnjë informacion për të.
Vëllai i 32-vjeçarit bën apel për ndihmë, pasi pretendon se autoritetet nuk kanë nisur ende kërkimet në det, e madje nuk i lejojnë të kërkojnë as me mjetet e tyre private. Familjarët kanë bërë denoncim për zhdukjen e Imerajt edhe në Itali, ku kanë nisur kërkimet për 32-vjeçarin.
