VJEDHJA NË 4 DYQANE/ Arrestohet i PARI i “bandës”, rrëfehet në polici: E BËRA NGA VARFËRIA (EMRI)

Është arrestuar i dyshuari kryesor lidhur me vjedhjet në 4 pikat e këmbit valutor në qytetin e Gjirokastrës.

Emri i tij është Alket Velaj, organizator i vjedhjeve me armë zjarri, 24-vjeç.

Nga burime të sigurta mediatike thuhet se Velaj nuk ka qenë vetëm në këtë “Operacion” por ka patur edhe mbështetje ndaj miqve të tij.

I arrestuari rrëfen për Policinë se ka qenë një veprim me pistoletë lodër, dhe që nuk është lënduar njeri.

Sipas Velajt ky akt i dhunueshëm për të drejtat e kompanisë është kryer nga jetesa e varfër e të riut, që e ka vendosur të shkojë të vjedhë.

Njoftimi i policisë

Policia zbardh vjedhjet me dhunë dhe nën kërcënimin e armës të katër Exchange _ve në qytetin e Fierit.

Finalizohet operacioni i koduar “EXCHANGE I FUNDIT”.

Policia kap dhe ndalon një prej autorëve.

Specialistët për Hetimin e Krimeve në Komisariatin e Policisë Fier, në bazë të një pune intensive operative hetimore, bënë të mundur finalizimin e operacionit të koduar “Exchange i fundit” ku është arritur të zbulohen dhe dokumentohen katër ngjarje të vjedhjeve me dhunë dhe nën kërcënimin e armës të ndodhura në qytetin e Fierit, konkretisht:

1. Vjedhja me dhunë e mbetur në tentativë ndodhur në datën 03.01.2018, në lagjen “Apollonia” Fier, e një pike këmbimi valutor në pronësi të shtetasit E.S.
2. Vjedhja me dhunë në datën 09.01.2018, në lagjen “Kastrioti” Fier, e një pike këmbimi valutor në pronësi të shtetasit L.Z, ku kanë marrë 70.000 lekë.
3. Vjedhja me dhunë në datën 23.01.2018, në fshatin Levan, Fier një pike këmbimi valutor në pronësi të shtetasit A.M, ku kanë marrë 70.000 lekë.

4.Vjedhja me dhunë në datën 03.02.2018, në lagjen “11 Janari” Fier, e një pikë këmbimi valutor në pronësi të shtetasit P.J ku i kanë marrë një shumë prej 500.000 lekë dhe 300 euro.

Në lidhje me këto ngjarje u bë kapja dhe ndalimi i shtetasit:

-Alket Velaj, 25 vjeç, banues në fshatin Varibob, Fier(i dënuar më parë për “Plagosje të rëndë me dashje” dhe “Shkatërrim prone”).

Policia po punon intensivisht për dokumentimin e plotë të këtyre ngjarjeve, kapjen dhe ndalimin e bashkëpunëtorëve të tjerë të implikuar.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje me dhunë” e kryer në bashkëpunim, parashikuar nga Neni 139 e 25 i Kodit Penal.

/AlpeNews.al