Drejtoresha e Fondit për të Drejtën Humanitare në Beograd, Natasha Kandiç deklaroi se pret që kancelarja gjermane, Angela Merkel të vendosë lule në Batajnicë gjatë vizitës që do ta zhvillojë në Serbi më 13 shtator.
Kandiç theksoi se Merkel duhet të shoqërohet nga Vuçiç në vendosjen e luleve në Batajnicë, aty ku janë gjetur shumë trupa të shqiptarëve të vrarë gjatë luftës së fundit.
“Pres që kancelarja gjermane Angela Merkel të vendosë lule në Batajnicë, nën shoqërimin e presidentit të Serbisë dhe organizatave joqeveritare. Na duhet ky mësim si ajër i pastër”, -ka shkruar Kandiç.
Kujtojmë se në Batajnicë janë zhvarrosur më se 880 trupa të pajetë. Trupat e pajetë të shqiptarëve të vrarë në vitin 1999, që me kamionë nga Kosova ishin dërguar në bazën në Batajnicë, janë varrosur në varrezën masive.
