Rreziku nga “Virusi i Nilit Perendimor”, është tema e ditëve të fundit. Edhe pse ISHP në një deklaratë zyrtare u shpreh se në Shqipëri nuk ka asnjë rrezik apo të prekur, frika vjen nga vendet fqinje.
Virusi mund të shkaktojë sëmundje fatale neurologjike te njerëzit. Ai transmetohet te njerëzit kryesisht nëpërmjet kafshimit të mushkonjave. Zakonisht ky vius gjendet në Afrikë, Evropë, Lindjen e Mesme, Amerikën Veriore dhe Azinë Perëndimore. Rreziku i tij ka mbërritur edhe në Ballkan në shtetet fqinja, ku dhe vendi jonë rrezikon të preket.
Gjendja në Greqi:
Përhapja e virusit të Nilit solli 3 viktima në shtetin fqinj të Greqisë. Kjo gjë bëri që edhe në shtetin tonë të binte “këmbana e alarmit” për një rrezik të mundshëm.
Përvec 3 viktimave, edhe 60 të tjerë rezultuan të infektuar, ku 17 prej tyre në shtetin fqinj.
Viktima dhe të prekur u shënuan dhe në Kosovë:
Tre qytetarë janë infektuar nga virusi, ku njëri prej të cilëve ka ndërruar jetë në Prishtinë.
Rreziku i vazhdimit të përhapjes rrezikon akoma më shumë pas këtyre rasteve. Sipas Drejtori i Klinikës Infektive në Qendrën Klinike Universitare të Kosovës (QKUK), Hamdi Ramadani, i cili tha se nuk ka medikament specifik për trajtimin e këtij virusi, e megjithatë situata nuk është alarmante.
E ndërsa për personin që ndërroi jetë, ai tha se e moshuara kishe dhe problem të tjera. Përsa i përket 2 personave të tjerë, ata po marrin trajtimin e nevojshëm në spital.
Po në vendin tonë si paraqitet gjendja:
Sapo u përhap alarmi për infektimin nga virusi i Nilit, ka ardhur dhe reagimi nga ana e ISHP. Sipas të dhënave në shtetin tonë nuk ka asnjë rast të rregjistruar deri tani.
Por pavarësisht kësaj, shefi i infektivit në QSUT Arjan Harxhi tha se ekziston rreziku që virusi të përhapet.
Një paralajmërim të tillë e jep dhe mjeku i infeksionit në spitalin rajonal të Kukësit.
Sipas tij rreziku është present dhe mundësia për t’u infektuar është e lartë në çdo moment. Po ashtu ai shtoi se meqënëse në Kosovë ka raste të tilla, sëmundja mund të rrezikojë ndjeshëm qytetin e Kukësit.
/AlpeNews.al
