Pas grupit të parë prej 250 mjekëve që u vaksinuan një javë më parë në Kukës, nesër pritet që të vaksinohen 200 mjekë të tjerë nga Kosova.
Kryetari i Federatës Sindikale të Shëndetësisë së Kosovës, Blerim Syla në një deklaratë për mediat ka bërë me dije se 250 mjekët që u vaksinuan të shtunën e kaluar janë mirë me shëndet dhe se nuk kanë pasur ndonjë problem të theksuar, përpos reaksioneve normale.
“Nesër për në Kukës do të udhëtojnë edhe 200 mantelbardhë për të marrë dozën e parë të vaksinës anti-Covid. Mjekët që u vaksinuan javën e kaluar janë të gjithë mirë. Nuk kanë pasur ndonjë problem të theksuar, përvec reaksioneve normale”, ka thënë Syla.
Për shkak se Kosova ende nuk ka arritur të sigurojë dozat e para të vaksinës, qeveria e Shqipërisë ka ofruar mbështetje, për vaksinimin e bluzave të bardha proces që do të bëhet në Kukës, pasi marrëveshja me shtete nga është marrë vaksina nuk lejon transportin e saj.
Kosova është i vetmi vend në Evropë që nuk ka filluar një program vaksinimi. Ndërkohë një ditë më parë në një deklaratë për mediat kryeministri Edi Rama është zotuar se Shqipëria do të marrë përsipër vaksinimin e të gjithë mjekëve kosovarë, që janë rreth 11 mijë
