Të paktën 70 persona raportohet të kenë humbur jetën nga shpërthimi i një bombe vetëvrasëse në një miting elektoral në Quetta të Paktistanit. Më shumë se 30 persona të tjerë kanë mbetur të plagosur nga shpërthimi i fuqishëm.
Forca të shumta policie dhe të ndihmës së shpejtë kanë shkuar në vendngjarje. Sipas policisë lokale, në tubimin elektoral kanë qenë më shumë se 1 mijë njerëz.
Disa orë para kësaj ngjarje, një tjetër bombë kishte shpërthyer në një tubim elektoral, ku u vranë 4 vetë dhe u plagosën 20 të tjerë. Deri tani asnjë grup terrorist nuk ka marrë përsipër sulmet me bomba.
