Një 26-vjeçar shqiptar është arrestuar në Modena, Itali, për tentativë vjedhje të një shtëpie në bashkëpunim me dy “kolegë të punës”, aktualisht të paidentifikuar.
Ishte një informacion i mbërritur në numrin e emergjencës së Policisë, sipas të cilit një fqinj i banesës që u tentua të vidhte, lajmëronte se kishte dëgjuar zhurma dhe kishte parë persona të dyshimtë, në shtëpinë e fqinjëve, për të cilët ai e dinte që nuk ishin në qytet për momentin.
Kur arritën agjentët u befasuan kur panë një njeri që vraponte, i veshur me të zeza dhe me doreza. Ata e bllokuan atë.
Në momentin e prangosjes, atij ju gjetën dy kaçavida me gjatësi 16 cm dhe një kartë identiteti.
Gjithashtu në shtëpinë e tentuar për tu vjedhur, u gjet edhe një kriko makine e përdorur për të thyer kangjellat.
Shqiptari 26-vjeçar u shoqërua në Polici, dhe u mësua se ai nuk kishte dokumente për qëndrim të rregullt në Itali.
