Kreu i demokratëve Lulzim Basha duket se ka ndërruar së fundmi strategjitë e komunikimit. Lulzim Basha është “shquar” gjithnjë për seriozitetin e tij përballë mediave, qyetetarëve por jo vetëm.
Edhe veshja e tij ka qënë një standard, i kollares dhe kostumit pa lëvizur asnjë detaj nga viti në vit. Komunikimet e tij kanë qënë gjithnjë nga konferencat për shtyp apo deklaratat për mediat dhe rrallë mbahet mend ndonjë spot elektoral që mund ta ketë “nxjerrë” disi nga vetja.
Nga ana tjetër, prej më shumë se 1 muaji, që pas djegies së mandateve Basha ka zgjedhur një tjetër formë të arritjes tek njerëzit. Duket se ai do të tregojë se tanimë që nuk është më deputet, edhe stili i tij i komunikimit apo veshjes ndryshon.
Thuajse çdo pasdite, teksa niset apo kthehet nga takimet e tij nëpër qytete të ndryshme të Shqipërisë Lulzim Basha hap video live nga makina me të cilën udhëton.
Telefonin e mban vetë, shpeshherë i bie, ndonjëherë e kthen nga rruga e në fund flet përseri ai.
Kjo në fakt është një nga format e komunikimit që kryeministri Rama ka përdorur prej kohësh e për të cilat Basha e quante si “karagjoz”.
E si shumë herë të tjera, kryedemokrati bie me këmbët e veta, kur ate që thotë se nuk e pëlqen… përfundon duke e bërë pa pushim.
Përgatiti: AlpeNews.al
