Sali Berisha prezantoi sot në Rrogozhinë kandidatin e Shtëpisë së Lirisë, Hekuran Xhanin për kryetar bashkie. Para banorëve të Rrogozhinës, e quajti Xhanin “qytetar të përkushtuar, demokrat të ndershëm, njeri që ka sakrifikuar vite, mund, djersë, punë në shërbim të fermerëve të kësaj zone dhe demokrat të orëve të para, të palëkundur e të vendosur”.
Por çfarë mendon vetë Hekuran Xhani për Sali Berishën?
Në një video të siguruar nga Gazetashqiptare.al, kandidati për Bashkinë e Rrogozhinës tregon se ka mendim tjetër për Berishën. Nën avujt e alkoolit, Xhani e quan Sali Berishën shkurt si “Salë kurva”, ndërsa shton se “këtë klasë politike (përfshirë edhe Berishën) na e ka zili edhe Serbia”, sepse 50% e shqiptarëve kanë ikur nga vendi. Shikoni videon më poshtë:
“Edhe Serbia na e ka zili kët klasë politike. Salë kurva, Fatos kurva, Edi kurva, Lul kurva kanë përzi 50% të shqiptarëve prej Shqipërie. Edhe Serbia them unë këtu, edhe Serbia na e kanë zili se nuk kanë përzi 50% të Shqipërisë” thotë Xhani.
Në fjalimin që mbajti sot në Rrogozhinë, kandidati u shfaq krejt ndryshe. “Koalicioni ynë është kompakt dhe më shumë se kurrë ne kemi lidershipin që sjell entuziazmin në fitore” tha ai para qytetarëve të Rrogozhinës.
Po kë të besojmë? Hekuranin që flet për fitore në miting, apo Xhanin që e quan Berishën “Salë kurva”, për të cilin na kanë zili edhe serbët bashkë me Nanon, Ramën dhe Lulin?
