Një i moshuar ka humbur jetën pasi ka rënë nga kati i pestë në Shkodër. Kasem Sula, 84 vjeç, humbi kontrollin dhe ra nga kati i pesë i një pallati në tarracën e një dyqani duke gjetur vdekjen e menjëhershme.
Ngjaja ka ndodhur në vendin e quajtur “Sahati”, rreth orës 02:00. Ndërkohë që ngjarja ka ndodhur në mesnatë, askush nuk e ka parë dhe dëgjuar momentin e rënies nga lartësia të të moshuarit.
Ka qenë ora 08:15 kur Policia ka marrë një telefonatë për atë që kishte ndodhur. Mësohet se i moshuari jetonte me bashkëshorten, e cila ka deklaruar se i shoqi vuante nga problemet mendore.
“Në orën 08:15, ka ardhur një telefonatë në sallën operative se, në lagjen “Vasil Shanto” Shkodër, shtetasi K. S., 84 vjeç, ka rënë nga kati i pestë i pallatit duke rënë në një soletë të katit të parë, ku ka gjetur vdekjen e menjëhershme.
Nga informacionet paraprake, mësohet se jetonte në shtëpi vetëm me bashkëshorten, e cila ka deklaruar se vuante nga problemet mendore”, bëhet e ditur nga Policia.
Njoftimi i policisë:
Ne oren 08:15, ka ardhur një telefonatë në sallën operative se në lagjen Vasil Shanto Shkodër, shtetasi K. S. 84 vjeç ka rënë nga kati i pestë i pallatit duke rënë në një soletë të katit të parë, ku ka gjetur vdekjen e menjëhershme.
Nga informacionet paraprake mesohet se jetonte në shtëpi vetëm me bashkëshorten e cila ka deklaruar se vuante nga problemet mendore.
Menjëherë ne vendngjarje kanë shkuar shërbimet e policisë dhe grupi hetimor ku po kryejn veprimet për sqarimin e rrethanave të ngjarjes.