Ministria e Shëndetësisë
Sapo kanë mbërritur në Qendrën Spitalore Universitare “Nënë Tereza” për një trajtim më të specializuar dy punonjësit e OSHEE të plagosur si pasojë e shpërthimit të ndodhur në nënstacionin e Shkodrës. Sipas mjekëve, gjendja e njërit prej të plagosurve, E.H. 30 vjeç është e rëndë, për shkak të shkallës së lartë të djegies, në masën 60%. Ndërsa punonjësi tjetër i OShEE, me inicialet A.A, i djegur në masën 25%, është jashtë rrezikut për jetën. Aktualisht të dy punonjësit po i nënshtrohen terapisë intensive dhe mjekët po ndjekin nga afër gjendjen e tyre.
Ministria e Mbrojtjes
FA evakuon 10 banorët në Valias dhe 3 zjarrfikësit qe kishin shkuar në ndihmë të tyre, por mbetën të bllokuar në mjet. 10 personat e evakuuar po dërgohen për strehim në komandën e forcës tokësore në Zall Herr.
Ministria e Drejtësisë
Duke marrë shkas nga situata e krijuar për shkak të reshjeve, ministrja e Drejtësisë Etilda Gjonaj zhvilloi një mbledhje urgjente me institucionet në varësi, për marrjen e masave të nevojshme. Në mbledhje, ku të pranishëm ishin drejtues të Drejtorisë Burgjeve dhe stafi i përcaktuar në Ministri për Emergjencën, u diskutua plani i masave të marra nga Drejtoria e Përgjithshme e Burgjeve në lidhje me rritjen e sigurisë në këto institucione dhe kalimin në gatishmëri të punonjësve të tyre.