Paraditen e sotme në qytetin e Shkodrës është Këshilli Kombëtar i Territorit me pjesëmarrjen e qytetarëve, ku është miratuar Masterplani i Alpeve. Ky projekt pritet të gjenerojë plot 1 miliard euro përfitim ekonomik.
Mbledhjen e hapi zv. kryeministrja Senida Mesi e cila prezantoi paketën e projektve të integruara të qarkut Shkodër. Nisur nga pozicioni gjeografik i qarkut të Shkodrës, projekti do të zhvillohet në këto drejtime:
Në turizmin malor, kulturor, kulinar agrar etj. Do të ketë zhvillim të mëtejshëm të bujqësisë, zhvillimi rural, industrisë, si dh zhvillimi i energjisë e cila është një nyje shumë e rëndësishme për qarkun e Shkodrës.
Gjatë mbledhjes së Këshillit Kombëtar të Territorit në prezantimin e projektit të Alpeve Shqiptare ministri i mirëqenies sociale Blendi Klosi u shpreh se: “Investimi në Alpe, përkthehet në ekonomi në të ardhmen, dhe në më shumë mirëqenie për qytetarët tanë”. Gjatë fjalës së tij ministri Klosi theksoi se masterplani i Alpeve ëshë bazuar në 6 përparësi të zonës së Alpeve; madhësia territoriale, lartësia e maleve, mënyra e jetesës, arkitektura, tradita dhe folklori, dhe kulinaria autentike e zonës. /Përgatiti AlpeNews.al/
ERTV Live😊: Shkodër – Këshilli Kombëtar i Territorit me pjesëmarrjen e qytetarëve. Plani i turizmit për ALPET SHQIPTARE dhe paketa e projekteve SHKODRA TURISTIKE
Posted by Edi Rama on Samstag, 9. Dezember 2017
