Një plagosje me armë zjarri ka ndodhur këtë mesditë në zonën e Institutit, në Tiranë. Report Tv raportoi fillimisht se janë plagosur tre persona, njëri prej të cilëve ndodhet në gjendje të rëndë, por policia tha se ishte vetem 1 i plagosur i cili eshte derguar ne spital.
Dëshmitarët nga vendngjarja bëjnë me dije për Report Tv se njëri prej personave të plagosur është shtetasi Korab Peposhi, rreth 40 vjeç, me origjinë nga Kukësi, ndërsa janë dëgjuar mbi 7 krisma.
Tvklan.al ka mësuar se i plagosuri udhëtonte me një fuoristradë “Range Rover” ngjyrë e bardhë me targa AA 380 DO.
Burimet nga vendngjarja sqarojnë se automjeti ka qenë në lëvizje kur u qëllua me armë nga një person që është identifikuar si A.Rushi. Ky i fundit është shpallur në kërkim nga policia.
Informacion paraprak nga Policia:
Më datë 05.01.2018, rreth orës 14.20, në Sallën Operative ka ardhur një telefonatë se në rrugën e ” Shkodrës”, ka të shtëna me armë zjarri.
Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën e “Shkodrës”, pranë “Nish Tulla nr.3” dhe urës së Institutit, dyshohet se është plagosur më armë zjarri shtetasi K.P., rreth 40 vjeç.
Shtetasi i plagosur është dërguar në spital dhe ndodhet nën kujdesin e mjekëve.
Nga ana e Policisë është identifikuar autori dhe po punohet për kapjen e tij dhe sqarimin e plotë të rrethanave të ngjarjes.
