Kryedemokrati Lulzim Basha ka zbuluar një zhvillim skandaloz, që lidhet me emrin e kryebashkiakut të Durrësit, Vangjush Dako.
Në një deklaratë për mediat, ai theksoi zhvillimin sipas tij, skandaloz. Sipas tij, Vangjush Dako u kap në flagrancë duke bashkëpunuar me grupet kriminale të Durrësit duke i ftuar të blejnë votat për PS në zgjedhjet e 25 qershorit.
Sipas Bashës, vendet partnere e kapën gafil duke bërë pazare në telefon, ku në këmbim të votave, u premton miliona euro, vetëm që ata të sigurojnë vota për PS.
“Këto pazare të ndyra janë të dokumentuara dhe nën hetim prej disa kohësh nga prokuroria e Krimeve të Rënda, këtë e di Gjushi por edhe mentori i tij Rama”- tha Basha.
Vangjush Dako është kapur në përgjime me kriminelë, të cilëve u premton tendera në këmbim të blerjes së votave. Me largimin e prokurorit të çështjes, Edi Rama po përpiqet të mbrojë Dakon dhe veten nga prangat e drejtësisë.
Posted by Lulzim Basha on Montag, 20. November 2017
