Një ditë pas shkarkimit të kryetares së Gjykatës së Apelit të Korçës, Entela Prifti, Këshilli i Lartë i Drejtësisë, e ka zëvendësuar atë me gjyqtaren Brunilda Ornani. Zëvendësimi i menjëhershëm ka ardhur për të mos bllokuar veprimtarinë e Gjykatës së Apelit të Korçës, pasi kryetari firmos edhe pagat e administratës.
Sipas hetimeve të bëra nga KPK gjyqtarja e Korçës nuk justifikonte një pjesë të pasurisë së saj. U zbuluan llogari bankare të padeklaruara në emër të fëmijëve të gjyqtares dhe bashkëshortit të saj. Llogaria bankare arrinte në vlerën e 70 mijë eurove.
Gjithashtu u zbuluan 5 apartamente në Tiranë, të cilat përmes një denoncim anonim ishin dërguar të dhëna se ishin në emër të familjarëve të gjyqtares por në fakt ishin të sajat.
