Kryetari i Gjykatës së Apelit në Tiranë, Hysni Demiraj, nuk e ka kaluar procesin e Vettingut. Ai është shkarkuar sot nga Komisioni i Pavarur i Kualifikimit.
Hysni Demiraj e ka filluar karrierën në fillim të viteve ’90 si hetues dhe më pas si prokuror në Tropojë. Në mesin e viteve ’90 ëshë emëruar gjyqtar në Gjirokastër, detyrë të cilën e ka kryer deri në vitin 2009, kur u transferua në Gjykatën e Apelit të Tiranës. Ndërsa në vitin 2016 u zgjodh kryetar i kësaj gjykate.
Gjatë seancës së Vettingut, u përmendën dyshime për favorizim të një kompanie ndërtimi, një ngjarje e vitit 1997 në Gjirokastër ku akuzohej se kishte shtënë me armë, si edhe shumë vendime të tjera gjyqësore mes të cilave masa e sigurisë për ish-gardistët e ngjarjes së 21-janarit.
