Me 7 vota pro dhe 12 kundër, mazhoranca rrëzoi nismën e opozitës për vettingun e politikës në mbledhjen e përbashkët të komisionit të ligjeve dhe këshillit të legjislacionit. Sipas mazhorancës, Komisioni i Venecias e ka gjetur problematik propozimin ndërsa opozita theksoi se drafti mund të përmirësohet gjatë shqyrtimit nen për nen.
“Venecia e ka gjetur problematik propozimin. Na kanë dhënë leksion se vettingu i gjyqtareve nuk është i njëjtë me atë në politikë”, tha Vasilika Hysi.
Mund të bëhen përmirësime ligjore nen për nen. Venecia tha se qëllimi është legjitim, të tjerat janë teknikalitete”, u shpreh Bylykbashi.
Pavarësisht votimit, mazhoranca dhe opozita do t’i dërgojnë seancës plenare dy raporte, secila me qëndrimin e saj, ndërkohë që qëndrimi final i Parlamentit pritet të shprehet me votë brenda dhjetorit.
