Pavarësisht temperaturave të ulëta, flamingot e pelikanët duket se i janë gëzuar motit të kthjellët, duke dhënë një spektakël të vërtetë në parkun e Divjakës.
Dhjetëra foto të shkrepura nga Ardian Koçi, drejtor i parkut të Divjakës, por edhe nga adhurues te këtyre shpendëve mjaft të veçantë, tregojnë se si ata “pozojnë” duke krijuar madje edhe forma e simetri mjaft të bukura.
Flamingot dhe pelikanët kanë qenë në rrezik shfarosjeje, ndërsa fatmirësisht nën kujdesin dhe mirëdrejtimin e viteve të fundit, ata janë shtuar ndjeshëm.