Rusia deklaroi se vendosja e armëve taktike bërthamore në Bjellorusi është mesazh për NATO-n për ‘seriozitetin e situatës’
Planet e Moskës për të vendosur armë bërthamore taktike në Bjellorusi do ta detyrojnë NATO-n të vlerësojë seriozitetin e situatës, ka paralajmëruar Kremlini.
Zëvendësministri i Jashtëm rus, Sergei Ryabkov lëshoi paralajmërimin në komentet e raportuara nga agjencia e lajmeve Interfax.
Të shtunën presidenti rus, Vladimir Putin deklaroi se do të vendosë në Bjellorusinë fqinje armët bërthamore. Deklarata ka nxitur reagime dhe paralajmërime nga SHBA-të, BE, NATO si dhe nga vendet e tjera.
Nga ana tjetër Bjellorusia tha se do i pranojë armët për shkak të ‘presionit’ nga Perëndimi.
