Bashkimi Evropian do të mbajë një samit me presidentin e Ukrainës, Volodymyr Zelensky, në shkurt të vitit të ardhshëm, por vendndodhja ende nuk është vendosur.
Zelensky ka bërë paraqitje të rregullta përmes video-lidhjeve në samitet e BE-së që nga fillimi i pushtimit rus në shkurt.
Por ai bëri udhëtimin e tij të parë personalisht vetëm dje kur vizitoi SHBA-të.
Kryetari i 27 liderëve të BE-së, Charles Michel, dhe kryetarja e Komisionit Evropian, Ursula von der Leyen, do të takohen me Zelenskyy për konferencën.
“Mund të konfirmoj se samiti BE-Ukrainë do të zhvillohet më 3 shkurt dhe ka një ftesë të hapur për presidentin Zelenskyy për të vizituar Brukselin”, tha Barend Leyts, zëdhënës i kryetarit të liderëve të BE-së.
Zëdhënësi tha se ftesa për Zelenskyy për të vizituar Brukselin, nuk do të thotë se aty do të mbahej samiti.
Zyrtarët thanë se tema e Samitit ka të ngjarë të jetë se si BE mund të vazhdojë të mbështesë Ukrainën kundër Rusisë.
Udhëheqësit e dy institucioneve kyçe të BE-së, do të vlerësojnë gjithashtu rrugën e Ukrainës për t’u bërë anëtare e bllokut, diçka që Zelenskyy e ka kërkuar që nga fillimi i luftës.
