Ministrja e Energjisë dhe Infrastrukturës Belinda Balluku nga foltorja e Parlamentit foli për hapjen e negociatave të Shqipërisë dhe Maqedonisë së Veriut.
Ajo e cilësoi ditën e sotme shumë të rëndësishme pasi pritet që Këshilli Europian të marrë një vendim, ndërsa tha se edhe nëse nuk pranohet hapja e negociatave, ne do të zgjohemi sërish nesër dhe do të vazhdojmë jetën.
“Kjo është një ditë shumë e veçantë për shqiptarët por të gjithë janë zgjuar dhe kanë çuar fëmijët në shkollë. Edhe ne kemi ardhur këtu dhe po bëjmë punën tone. Edhe nëse negociatat nuk hapen ne do zgjohemi sërish nesër, do çojmë fëmijët në shkollë dhe do vijmë në punë”, tha ajo, ndërsa vijoi fjalën me kundërpërgjigje ndaj akuzave të deputetit Ralf Gjoni.