Partia Demokratike nuk mori pjesë në votimin e kodit rrugor edhe pse në parim ishte dakort me propozimin që shtetasit e huaj dhe emigratët, të mund të shpëtojnë pezullimin e patentës duke paguar dyshifshin e gjobës. Demokratët thanë se kodi ka nevoje për ndryshime më thelbësore. Në Komisionin e Sigurisë ndryshimet kaluan vetëm me votat e mazhorancës, ndërkohë që nisma do të mbesë në sirtar deri kur opozita të jap konsensus pasi duhen 84 vota.
Deputeti i Partisë Demokratike, Flamur Noka, akuzoi institucionin e vettingut se po ëprdor standard të dyfishtë për shkarkimin e gjyqtarëv, ndërsa këtë situatë e lidhi politikisht.
Noka tha se një gjyqtar u shkarkua pse nipi i tij ishte arrestuar me një sasi të pakonsiderueshme kanabisi, ndërsa tha se Ministri i Brendshëm ka vëllain trafikant dhe vijon detyrën.
Në komisionin e sigurisë u diskutua ndryshimi i kodit rrugor, propozim i deputetit socialist Pjerin Ndreu. Ndryshimi i propozuar synon që shtetasit e huaj apo emigrantët të mund të shëptojnë nga pezullimi i patentës në rast të shkeljes së rregullave, duke paguar dyfishin e gjobës.
Demokratët në parim nuk ishin kundër nismës, por thanë se kjo ka ardhur si propagandë e mazhorancës, ndërsa kërkuan ndryshime me thelbësore në kodin rrugor.
Në fund ata braktisën votimin, ndërsa nisma u miratua vetëm me votat e mazhorancës.
Ky moment vlen vetëm në komision pasi kodi nuk mund të miratohet në kuvend për shkak se kërkon 84 vota, e si rrjedhojë duhet konsensusi i opozitës.
