Dhimbja dhe zemërimi për vdekjen e të riut shqiptar Ledio Cerriku, djali që vdiq në aksidentin dramatik të hënën në mëngjes në Valverde di Cesenatico, nuk është nuk është shuar ende.
Trupi i ndjerë, i cili u nis me një traget nga Bari, mbërriti në Shqipëri, ku do të kryhet funerali.
Mediat italiane shkruajnë se gara e solidaritetit midis të afërmve dhe të tjerëve, ka qenë e madhe, duke mbledhur fonde për të ndihmuar familjen nga Elbasani në këtë moment tragjik. Madje, në dispozicion është vënë edhe një llogari bankare.
Shtëpia e djalit në Cesenatico të mërkurën në mbrëmje ishte një vend pelegrinazhi për shumë shqiptarë në Itali, madje edhe njerëz që nuk e njihnin personalisht.
Komandanti i Policisë lokale Cesenatico Edoardo Turci rrëfen në një letër prekëse: “Sipas traditës, të ftuarit ata u mirëpritën nga të afërmit me një cigare dhe një gotë, nën të cilën ata lanë paratë e tyre: një garë solidariteti e jashtëzakonshme dhe në lëvizje, sepse drama që po përjeton familja e Ledios është i pafundme”.
“Për agjentët që zbuluan aksidentit – shkruan komandanti – ishte shumë e vështirë të mos merrje pjesë emocionale në tragjedi. Pavarësisht nga detyrat e nevojshme rituale të ftohta, pamja e çarçafit të bardhë që mbulonte kufomën mund të trondiste jo vetëm ata”.
