Në Elbasan janë regjistruar disa vatra të reja me Covid gjatë ditës së djeshme.
Mësohet se ka rezultuar pozitiv me koronavirus një 60-vjeçar, anëtar i Dhomës së Avokatisë në Elbasan.
Sakaq kanë rezultuar pozitive edhe 2 raste që konsiderohen si vatra të reja.
Dje ministria raportoi se gjatë 24 orëve humbën jetën 4 persona, duke e çuar në 161 numrin total të jetëve të humbura.
Nga 510 testet e realizuar ditën e fundit janë konfirmuar 120 raste të reja pozitive, duke e çuar në 5396 numrin total të personave të prekur me Covid-19 në Shqipëri, që nga përhapja e pandemisë.
