Sot në Serbi është bërë varrimi i politikanit të vrarë në Kosovë, Oliver Ivanoviq.
Në këtë varrim sipas medieve serbe, B92, nuk ka marrë pjesë presidenti serb, Aleksandar Vuçiq, i cili e ka dënuar fuqishëm dhe e ka quajtur “akt terrorist” vrasjen e tij.
Mirëpo, zyra për informim e presidentit serb, ka bërë të ditur sot se gjatë vizitës në Kosovës, të shtunën dhe të dielën, Vuçiqi do të të vendosë kurora lulesh në vendin ku u vra lideri i SDP-së, Oliver Ivanoviq.
Kujtojmë se nga liderët serbë ka pasur deklarata të ashpra në drejtim të Kosovës për vrasjen e Ivanoviqit. Gjithashtu, është kërkuar nga ana e Serbisë që të përfshihet në hetimin e vrasjes së Ivanoviqit, mirëpo një gjë e tillë është refuzuar kategorikisht nga ana e Kosovës.
