Kreu i PD-së, Lulzim Basha ka kujtuar sot 30 vjetorin e vrasjes së poetit kuksian Havzi Nela në Kukës.
“Vendimin për varjen e Nelës e dha Presidiumi Popullor e zezë është faqja e atij kombi që pranon të predikojnë sot për drejtësi”, shkruan Basha.
Postimi i plotë:
‘Mbi një komb të tërë rëndon edhe sot mëkati për varjen në litar të një poeti për vargjet e tij!
E zezë është faqja e atij kombi që pranon të predikojnë sot për drejtësi xhelatët e pandëshkuar të krimeve të komunizmit dhe bijtë e tyre të papenduar!
E keqja përsëritet nëse nuk e dëgjojmë kumtin e Havzi Nelës se çfarë të zezash e presin atë popull dhe shoqëri ku vdes fjala e lirë dhe shpirti i kundërshtimit ndaj të keqes.
Nderimi më i madh për poetin kryelartë të lirisë, është të ngremë krye kurdoherë kundër tiranisë së të keqes, për liri, për demokraci, për Zot dhe Atdhe, për veten dhe fëmijët tanë!
