Presidenti i Republikës së Shqipërisë Ilir Meta, i pranishëm sot në Gjilan të Kosovës me rastin e përurimit të shtatores së Idriz Seferit, e elektrizoi atmosferën gjatë fjalës së tij, kur citoi disa vargje epike, që lidhen me trimëritë e popullit shqiptar, gjatë kryengritjeve kundër pushtuesve otomanë.
Fakt interesant është se të njëjtat vargje, janë kënduar dekada më parë nga diktatori Enver Hoxha, në praninë e pionerëve të shumtë, me rastin e Kongresit të 8-të të BRPSH-së (Bashkimi i Rinisë së Punës së Shqipërisë), sikurse mund të shihet qartë edhe nga video e mëposhtme.
Video/Enver Hoxha këndon me të rinjtë këngën “Ushton Gryka e Kaçanikut”, e publikuar në Facebook nga gazetari Ardit Rada:
Shqiptarja.com: Më pas kreu i shtetit shqiptar, recitoi disa vargje të shkurtra, që i entuziazmuan së tepërmi njerëzit e pranishëm, të cilët nisën të brohorisnin. “Kaçanik o shkamb e gur. Vritesh e pritesh për flamur! Për flamurin e Skenderit Luftojnë djemt' e Idriz o Seferit!” – ishin vargjet e cituar nga Meta.
Posted by Ardit Rada on Monday, November 27, 2017
Kënga në fjalë quhet “Ushton Gryka e Kaçanikut”, dhe teksti i plotë i saj është i mëposhtmi:
Moren zjarr o gurt e malit
permbi çallmat e Anadollit
ngrihen Hutat e Shqiptarit
Refreni
Hej Kaçanik o Shkamb e gurë
vritesh e pritesh për Flamur
per Flamurin e Skenderit
luftojnë Djemt e Idriz Seferit
II
Turren Trimat nga Kabashi
nga Lubizhda e Stagova
thrret me t´madhe ai Dergut Pasha
ndihmë Sulltan se sot mbarova
Refreni
Hej Kaçanik o Shkamb e gurë
vritesh e pritesh o për Flamur
për Flamurin e Skenderit
luftojnë Djemt e Idriz Seferit
III
Kurrë nuk qarten kto kullat tona
vendit tonë i dalim Zot
Tirç e Zhguna e Gjubleta
thurë i kemi o për Barot
Refreni
Hej Kaçanik o Shkamb e gurë
vritesh e pritesh o për Flamur
për Flamurin e Skenderit
luftojnë Djemt e Idriz Seferit.
Shqiptarja.com
